Brand Analytics компаниясы Орталық Азия Жарнама Қауымдастығына (ОАЖҚ) — жарнама саласында жұмыс істейтін және аймақтағы индустрияның кәсіби мүдделерін білдіру үшін құрылған компаниялар бірлестігінің құрамына кірді. ОАЖҚ-мен ынтымақтастық Орталық Азияда Brand Analytics қатысуын күшейтеді және салалық қоғамдастықпен өзара іс-қимыл үшін жаңа мүмкіндіктер ашады.
ОАЖҚ 2018 жылы құрылды және бүгінгі таңда жарнамалық және медиа нарықтағы ондаған жетекші ойыншыларды біріктіреді. Қауымдастық саланың күн тәртібін белсенді түрде қалыптастырады: ADTribune жарнамалық-медиа конференциясын және Digital Wave конференциясын, RAF аймақтық жарнама форумын, сондай-ақ E+ Awards CAR халықаралық премиясын ұйымдастырады. ОАЖҚ-ның меншікті медиа ресурсы — Tribune.kz интернет-сайты Қазақстандағы және Орталық Азия елдеріндегі жарнама, маркетинг, технологиялар және PR саласына арналған аналитикалық және сараптамалық материалдарды, сұхбаттар мен жаңалықтарды жариялайды.
«Біз Brand Analytics компаниясы біздің кәсіби қоғамдастығымыздың бір бөлігіне айналғанына қуаныштымыз. Қауымдастық мүшелері елдің мемлекеттік органдарымен диалог алаңын, салалық зерттеулердің нәтижелеріне қол жеткізуді және аймақтың негізгі индустриялық іс-шараларында өз кейстері мен сараптамаларын бөлісу мүмкіндігін алады. Бизнес пен мемлекет үшін әлеуметтік медиа мен БАҚ-ты талдау саласындағы Brand Analytics сараптамасы Орталық Азия нарығының тезірек дамуына, аудиторияның сұраныстарын жақсырақ түсінуге және оның қажеттіліктеріне дәлірек жауап беруге көмектеседі».
Анна Тютькова Орталық Азия Жарнама Қауымдастығының атқарушы директоры
Brand Analytics Қазақстандағы әлеуметтік медиа аналитикасы төңірегінде кәсіби қоғамдастықтың дамуына үлкен көңіл бөледі. 2024 және 2025 жылдары Алматы қаласында Brand Analytics Conference Kazakhstan индустриялық конференциясы өтті. Іс-шара басшылар мен топ — менеджерлер, PR және маркетинг топтары, медиа және digital, тұтынушыларға қызмет көрсету мамандары — брендтерді басқаратын және олардың беделіне жауапты әрбір адам үшін тартымды нүкте болды. 2024 жылы Brand Analytics сайтты қазақ тілінде іске қосып, Алматыда өз кеңсесін ашты. Бүгінгі таңда 1400-ден астам компания жүйені күнделікті жұмыста қолданады. Олардың ішінде Қазақстан нарығының көшбасшылары: Kaspi.kz, Nur.kz, Halyk Finance, Nomad Insurance, Media Systems, Metamodel агенттіктері.
«Қазақстан — өте серпінді және перспективалы нарық. Бүгінгі таңда брендтердің ең талап ететін сұранысы — ықтимал «ақпараттық бомбаны» уақытында байқау және тәуекелдерді азайту үшін 24/7 режиміндегі беделді бақылау. Сонымен қатар, компаниялар өз аудиториясының қандай алаңдарды таңдайтынын, қай тілде сөйлесетінін, қандай қажеттіліктер мен мәселелерді көтеретінін жақсы түсінгісі келеді. Сондай-ақ, компаниялар бәсекелестердің белсенділігін талдауға қызығушылық танытады: пайдаланушылар оларды не үшін мақтайды немесе сынайды, аудитория жаңа өнімдерге, маркетингтік және жарнамалық науқандарға қалай жауап береді».
Марина Черномазова Brand Analytics (Қазақстан) коммерциялық бөлімінің басшысы
Brand Analytics мониторинг жүйесі Қазақстандағы 2 000-нан астам БАҚ пен 11 000-ға жуық әлеуметтік медиа-алаңдарды қамтиды, бұл компанияларға беделді басқаруға, трендтерді анықтауға және ақпараттық себептерге жедел ден қоюға мүмкіндік береді. Жүйе ай сайын 72 қолдау көрсетілетін тілде 3 миллиардтан астам жария хабарламаларды жинайды және талдайды.
ОАЖҚ мүшелігі Brand Analytics үшін сараптамамен алмасып қана қоймай, Қауымдастықтың зерттеу бастамаларының дамуына үлес қосу, брендтер мен қоғам арасындағы диалогты күшейту, бизнеске өз клиенттерін жақсы түсінуге көмектесу мүмкіндігін ашады.
